“Цодгор хүү” шатрын тэмцээн 2019

МОНГОЛ УЛСЫН АВАРГА, ШАТРЫН СПОРТЫН МАСТЕР, МОНГОЛЫН ХҮҮХДИЙН ОРДНЫ БАГШ Н.ТӨРБАТ АГСНЫ НЭРЭМЖИТ ӨСВӨРИЙН ШАТАРЧДЫН УЛСЫН АВАРГА ШАЛГАРУУЛАХ “ЦОДГОР ХҮҮ” ТЭМЦЭЭН

Монгол улсын аварга, шатрын спортын мастер, Монголын хүүхдийн ордны багш Н.Төрбат агсны нэрэмжит өсвөрийн шатарчдын улсын аварга шалгаруулах “Цодгор хүү” тэмцээнийг анх МХО-ны шатрын дугуйлангийн багш Н.Төрбат 1991 онд зохион байгуулж байсан ба энэ цагаас хойш МХО “Цодгор хүү” шатрын тэмцээнийг жил бүр уламжлал болгон зохион байгуулаад 28 дахь жилтэйгээ золгож байна.

“Цодгор хүү” тэмцээнээс олон улсын их мастер Б.Мөнхтуул, Т.Батчимэг, олон улсын их мастер Ц.Батчулуун, Б.Гүндаваа, олон улсын мастер М.Гүнбаяр, Г.Эрдэнээ, спортын мастер Г.Бат-Очир нарын олон аварга, нэртэй мастерууд төрөн гарсан нь энэ тэмцээний цар хүрээ, нэр хүндийн нэгэн илэрхийлэл болох нь илт харагдах юм.

2011 онд МХО-ны шатрын багш, ОУ-ын хэмжээний шатрын спортын мастер Ш.Батбилэг нь Монгол улсын аварга, шатрын спортын мастер “Цодгор хүү” тэмцээнийг санаачлан зохион байгуулагч Н.Төрбатын нэрэмжит тахимыг “Цодгор хүү” тэмцээний хамт хүлээн авч зохион байгуулсаар байгаа билээ.

“Цодгор хүү” тэмцээн нь Хүүхэд багачуудын дунд шатрын спортыг сурталчлан дэлгэрүүлэх, хүүхэд багачуудын авьяас билгийг нээн хөгжүүлэх, ирээдүйн мастеруудыг бэлтгэж Ази болон Дэлхийн сурагчдын аварга шалгаруулах тэмцээнд оролцох тамирчдыг сонгон шалгаруулан явуулдаг онцлогтой иймд “Цодгор хүү” тэмцээнийг зорин ирэх багачуудын тоо жил ирэх тусам ихсэхийн сацуу наснь ангилал ч нэмэгдэж байгаа нь Монгол Улсдаа чансаа дээгүүр хүүхэд багачуудын оюун ухаан, хүч чадлыг сорьсон тэмцээний илрэл юм.

МХО “Цодгор хүү” тэмцээнийг 2019 оны 01 сард 4 насны ангилалд 28 дахь жилдээ тасралтгүй зохин байгуулж байна.