ӨМӨЗО

ӨМӨЗО-ны Өвөр Монголын Соёл Урлагийн Нийгэмлэгтэй хамран ажиллаж багш ажилчин албан хаагчид 2018 оны 05 сард туршлага солилцох хөтөлбөрт хамрагдсан.

Монгол Хүүхдийн Ордны түүхт 60 жилийн ойн хүрээнд ажилтан албан хаагчаа хөгжүүлэх, туршлага солилцох, тэдний хүсэл тэмүүллийг дэмжих, дан ганц сурагчдыг гадаад хөтөлбөрт хамруулж хөгжүүлэхийн хажуугаар зарим ажилчдынхаа хамтаар ӨМӨЗО-ны Хөх хот, Ордос, Бугат хотын "Багачуудын Ордон", "Өвөр Монголын Соёл Урлагийн Солилцооны Нийгэмлэг", ижил төстэй байгууллагуудын үйл ажиллагаатай танилцаж, арга зүйн туршлага солилцох хөтөлбөрт хамруулж, амжилттай хэрэгжүүлээд ирлээ. Манай хамт олны зүгээс өөрсдийн сургалтын орчин нөхцөл, туршлага, арга зүйгээ хөгжингүй орнуудын зэрэгт хүргэхээр зорин ажиллаж байна.

Мөн 2018 оны 07 дугаар сард Өвөр Монголын Соёл Урлагийн Солилцооны Нийгэмлэг, Олон Улсын Найрамдал зуслантай хамтран Олон Улсын Хүүхдийн Урлагийн их наадмыг зохион байгуулахаар төлөвлөн ажиллаж байна.